Resepte
Vinnige Grenadella Maaskaastert
Bestanddele:
1 X Pakkie Tennisbeskuitjies
2 X Blikkies Kondensmelk
2 X Houers Gladde Maaskaas
2 X Houers Vars room (250ml elk)
1 X Gelatien (20ml)
1 X Klein bottel Suurlemoensap (250ml)
1 X Ina Lessing grenadella curd (300ml)
Metode:
- Druk die koekies fyn en meng met bietjie gesmelte botter.
- Meng en druk plat onder in ‘n losboompan om ‘n kors te vorm.
- Los die gelatien op in die helfte van die suurlemoensap.
- Meng en laat afkoel.
- Meng die volgende bestanddele saam:
- Kondensmelk, maaskaas, suurlemoensap (wat oorgebly het).
- Klop room effens – nie styf nie en vou in.
- Voeg gelatien mengsel by, meng goed.
- Giet die mengsel in die pan op die koekies.
- Laat vir ‘n ruk (ongeveer 2 ure) in die yskas.
- Smeer die grenadella curd bo-op.
Lillian Weber
Appelkoos Konfyt
Bestanddele:
1 X Appelkose, gehalveer en ontpit (1kg)
1 X Huletts Witsuiker (1kg)
5 X Appelkoospitte, gekraak
4 X Dik gemmerwortel, afgeskil en in dun skyfies gesny (5ml)
1 X Suurlemoensap (15ml)
Metode:
- Plaas die appelkose en suiker in ’n swaarbodempot.
- Plaas oor ‘n lae hitte en roer tot die suiker opgelos het.
- Voeg die appelkoospitte en gemmer by en verhit tot kookpunt terwyl jy roer.
- Laat die mengsel aanhou kook totdat dit dik en deurskynend is.
- Voeg suurlemoensap by en roer totdat dit goed deur gemeng is.
- Skep die konfyt nou in gesteriliseerde bottels in en verseël.
Die resep lewer ongeveer 5 x 250g bottels
Of u kan net ’n klaargemaakte Ina Lessing-potjie of twee koop
Wildsvleis Kasserol met Ina Lessing Maroelajellie en droë vrugte
Bestanddele:
1 X Wildsvleis met bene in stukke gesaag (1,5kg)
MARINADE
1 X Rooi wyn (500ml)
4 X Knoffelhuisies, gekneus
1 X Gedroogde gemengde kruie (10ml)
1 X Olie (100ml)
1 X Bruinsuiker (30ml)
1 X Worcestersous (15ml)
1 X Botter (50ml)
2 X Uie
1 X Wortel, gerasper
2 X Selderystingels, gekap
2 tot 3 X Lourierblare
6 X Heel naeltjies
6 X Wonderpeperkorrels
1 X Vars suurlemoensap (50ml)
1 X Vleisaftreksel (500ml)
1 X Rooiwyn (250ml)
1 X Droëvrugte (500g)
1 X Ina Lessing maroelajellie (50ml)
Metode:
- Marineer vleis twee dae lank in marinade.
- Verwyder vleis uit marinade en behou die vloeistof.
- Verhit botter en braai uie, wortel en seldery in swaarboompot.
- Braai vleis tot bruin en plaas in kasserol.
- Skep uie-en-wortelmengsel bo-op.
- Gooi marinade oor.
- Voeg lourierblaar, naeltjies, wonderpeperkorrels en suurlemoensap by.
- Geur goed na smaak met aromat, sout en vars gemaalde peper.
- Plaas in oond en prut 3 uur lank by 160C.
- Vul vloeistof aan met rooi wyn en vleisaftreksel soos benodig.
- Vir ekstra geur kan 250ml room bygeroer word net voordat dit voorgesit word.
